ღ♥ღ اية مطالبك يا مصرى ღ♥ღ

الاول اذيكم يا احلى نجوم خدماوية ويارب تكونو بخير على طول انا انهردة جايبلكم موضوع جميل اوى

عبارة عن اننا كلنا مصرين سؤاء مسلم _ مسيحى كلنا هنا واحد مفيش فرق وكلنا فى الاخر مصرين

ففى سؤال جة على بالى فقولت اطرحة عليكم يمكن نلقى جواب يريحنا كلنا .

السؤال : انتا او انتى مصرى فما ستكون مطالبك لو انت فى ثورة 25 وما هى وجهة نظرك فى الثورة ؟

ياريت الاجابة على السؤال دة علشان نعرف مطالب كل فرد مصرى اية ؟

يابنى مطالب اى مصرى الراحه النفسيه وهدوء البال
الامان
يعنى ابويا ميطلعش عينو فى الشغل عشان يصرف دم قلبو على تعليمى انا واخواتى وياريت اللى بيجيبو بيكفى

يعنى ميكنش اخويا راجع من شغله الساعه 3 بليل وميت من التعب وينزلوه من العربيه ويخفوه ويجروه على القسم من غير اى سبب وياريتك تعرف مكانو بسهوله

يعنى ميبقاش تعليم ملوش لازمه فمناهج غبيه وكل دا ليه عشان اسمو تعليم حكومى

يعنى يعنى مبقاش راكبه عربيه وخايفه على عمرى بسبب السرعه الغبيه اللى بيسوق بيها السواق مش خايف على ارواح الناس قد مخايف ان واحد غيره يسبقو ويحمل العربيه قبلو

يعنى متعملش كبنت بطريقه مهينه من شاب ملوش لزمه ويقولك احنا فمجتمع مفتوح
مفتوح ايه ي يابو مفتوح مين اللى فتحو ان شاء الله ال مفتوح قال

يعنى مفضلش ادرس 7 سنين فى كليه طب ويطلع عين امى وابويا عشان يوصلونى للكليه دى وفى الاخر اقعد على قهوه استنى الفرج

ولا لما بقى يجى شب مخلص كل حاجه دراسته وجيشو ونفسو يخش دنيا بقى ومش لاقى حتى حق الدبلتين اللى هيخطب بيهم ولا الشقه اللى يتجوز فيها

يعنى لو انا هطلب كبنت هطلب انهم يساعدو الشباب عشان اتجوز اللى احبو واللى اختارو ميبقاش عشان مش معاه وظروفو بايظه نخسر بعضنا وكل دا بسبب حال الدنيا اللى اتشقلب اللى محدش عارف يعدلها خلاص

يعنى صدقنى يامايو المصرى مطالبو بسيطه اوى لاننا غلابه جدا محدش فينا بيطلب غير الراحه النفسيه والامان

هى دى مطالب اى مصرى بس المصرى الاصلى اللى نفسو يعيش

بجد والله انا شايف ان التوبك دة جميل اوى وعاوز تفاعل من الاعضاء

وانا من نظرى طلباتى :

1 _ ان المصروفات فى الكليات دى تقل شوية امال اسمها حكومية اذى

2 _ ان الكليات الخاصة ذى الطب والصيدلة دى تتلغى خااااااااااااالص علشان الناس بتدخل مش فاهمين حاجة وتخرج مش فاهمين ويجربو فى الناس ودة حرام والله

3_ يكون للمواطن المصرى مصروف شهريا لا يقل عن 200 جنية

4 _ انهم بجد يخلصو فى شغلهم مش شقلب واقلب و الشغل دة

5 _ وعلى رأى البرنسيسة يوفرو شقق للناس الى فى الشارع دى ونحاول نظبت البلد من تانى

وشكرا جدا جدا على مطالبك يا برنسيسة وان شاء الله دة يحصل

الموضوع جميل جدا

وانا طلباتى:-

1-يوفرو فرص عمل لكل الشباب والبنات عشان كل واحد يحس بنفسة وكيانه

ويحس ان السنين اللى قضاها فى الدراسة دى مرحتش على الفاضى

2- ميكنش فى قهاوى خالص عشان دى بتعطل ناس كتير يعنى ممكن واحد يكون

بيشتغل وعندة وظيفة ويكسل يروح عشان طول الليل سهران مع اصحابه على القهوة ويجيوا بعد كده

يقولوا مفيش شغل

3- يلغوا تمام السجاير والمخدرات والحاجات دى كلها لانها مضيعة للفلوس وللصحة ومضيعة للشباب

وللبنا اللى ماشية فى الطريق ده (ربنا يكفينا شرهم) ولما الحاجات دى يتقضى عليها خالص

اكيد هيكون فى امان اكتر يعنى البنت مش هتكون خايفة وهى خارجة راحة جامعتها اور راحها

اى مشوار من اى شب مستفز يرخم عليها

4- ميعملوش امتحانات الثانوية العامة معقدة تعقد الطلاب عشان حرام بجد بيعذبوهم

يعنى تكون فى المتوسط وطبعا باقى مراحل التعليم متكنش امتحاناتها تعجز الطالب

طبعا بالاضافى الى مطالب البرنسيسة ومايو

عشان نبنى مجتمع صالح لازم بندا بانفسنا لازم كل واحد يغير نفسة للا احسن

عشان نقدر نكون مجتمع مميز وربنا يهدى الحال

تسلم يامايو على موضوعك

ღ♥ღ اية مطالبك يا مصرى ღ♥ღ 4YH7k-O6tf_178562610

بص هما كلمتين صغيرين بس يعنو الكثير

هى دى مش مطالب بس لو كل واحد عمل كدا اكيد هنكون ارقى شعب فى الدنيا لان احنا خير اجناد الارض

وبعدين المطالب كلها معروفه من زمان فلا داعى لكى نحكى فى الماضى نحن الان معنا الحريه مع انها كانت موجوده بس كان كل واحد يقول يلا نفسى هو انا هعمل لوحدى فعلشان كدا وصلنا للى احنا فيه فعلشان كدا مكنش مسمعلنا صوت كل واحد يقول هو انا هعمل لوحدى او هغير الكون ومش هكتر عليكم لان فى كلام كتير المفروض يتقال بس اعتقد ده مبقاش وقته خلينا فى النهرده وبكره ونطور نفسنا وبلدنا

من النهاردة دي بلدك انت، ماترميش ...........، ماتكسرش إشارة، ماتدفعش رشوة، ماتزوّرش ورقة، اشتكي أي جهة تقصّر في شغلها.. متسمحش لظابط يعذب مصري زيك.. اوعى تصنع "مبارك" تاني.. استمتع بحياتك.. اقرا وثقف نفسك.. حب نفسك وحب الناس اللي حواليك.. اوعى تعاكس بنات في الشارع.. اوعى تهين حد.. اوعى تسخر من حد.. أوعى تنسى حريتك أبداً.. اوعا ماتشتركش في ا......لانتخابات....خلي بلدك اجمل بيك

ღ♥ღ اية مطالبك يا مصرى ღ♥ღ 2Tg1N-8Qxf_150885250

انا ليا طلب واحد انى لما اخلص كليتي اشتغل بكليتي مش اكون بتعلم وبصرف عشان اخد شهاده وفى الاخر اقعد جمب امي وادور على شغل برا دا حقى فى البلد دي

حلو اوي اوي الكلام دة
دي كلها طلبات جميلة

وكل مصري نفسة تتحقق

بس انا نفسي اسالكم

هل الكلام دة ممكن يتنفز

موضوع جميل والله تسلم ايدك

» حماده هلال - ارفع راسك فوق انت مصرى