انا ايجابيه
وافخر انى مش سلبيه
وبكل فخر هقول
ابعدى عن الحرام يا عنيه
قوليلى بأمانه كام مره يا اختى بصيتى على شباب؟
كام مره اتزين فى عينيكى حرام؟
وفضلتى باصه عليه
كام مره عجبك شكل ممثل واعدتى تتملى فى جماله؟
كام مره عجبك صوره فى مجله لشاب واستوقفتك دقايق كتير؟
واهم سؤال بقى
ياترى اد ايه هتستحملى بنفس عنيكى دى النار؟
اللهم حرم اعيننا على النار يارب
كتير من الاخوات بيجهلوا ان ربنا امرنا احنا كمان بغض البصر
وكأن الشباب بس اللى اتأمروا
لاء اختى
ربنا فى نفس الآيه امرك انتى كمان
والا انتى مقرتيش الآيه دى؟
قل للؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون وقل للمؤمنات يغضضن من أبصارهن ويحفضن
فروجهن
انتى زيك زيه بالظبط
امرك ربك بغض بصرك
كام مره بقى بصيتى انتى مره واتنين وعشره
ولاغيتى بعنيكى قبل لسانك قلوب؟
اظن كتير مننا شاف ده فى الشوارع
سواء من صديقات او قرايب او حتى اغراب
تلاقيها بتبص وتضحك وعادى؟
هى شايفه انها معملتش حاجه
بس هى عملت كتير اوى
بتسكتى انتى بقى اما تشوفيها بتعمل كده والا ايه؟
لاء معلش لو ايجابيه بجد انصحيها
قوليلها
وجهي نظرك للأرض أو في أي اتجاه
وفكريها بقول رسولها عليه الصلاه والسلام
لك الأولى وليست لك الثانية
واللى معناها ان الله سبحانه وتعالى
مش هيحاسبنا على النظرة الأولى بدون قصد
ربنا لا تؤخذنا إن نسينا أو اخطأنا
لكن سيحاسبنا بما تعمدت به قلوبنا
فعضى بصرك اختى فى الله عما حرمه الله
وامتثلى لاوامره
تجديه رزقك من حيث لا تحتسبين
مش بنظره لشاب هى اللى هتخليه يحبك
فوقى
هو مش هياخد منك الا نظرتك دى
واهو انتى زى غيرك ياما كتير بصوله
خليكى مكرمه راسك اه فى الارض
لكن عند ربنا فى السما
أسأل الله أن يحرم اعيننا على النار
وأن يرزقنا ما نتمنى في الدنيا والأخره
انه على ذلك لقدير
بقلم اختكم فى الله
عابده الرحمن#
................................................................ لاشيء يرفع قدر المرأة كالعفة ولا شئ يرفع من قيمتها الا أخلاقها .. ولا شئ يرفع من درجتها إلا بإيمانها وتقواها وإذا إجتمعت هذه الاشياء فى المرأة فتكون اللؤلؤة التى ينتظرها كل شاب يخاف الله
موضوع: انا ايجابيه 
الإثنين مارس 28, 2011 6:06 am
