النصايح السبعه (( للولد )) فى اول خروجه مع خطيبته

الـ 7 نصايح الفعاله اللى تخلى أى بنت تحبك لدرجة الجنون

.

.
......

1- • خليها دايما تحس انك تقيل•

لو سألتك ايه رأيك فى الفستان الجديد بتاعى , بصلها بطرف عينك وكأنك مكنتش أخد بالك منه وقولها مش بطال
.. ساعتها هى هتتجنن وهتفضل تفكر يا ترى عجبه ولا لأ!! وبكده يبقى انت خليتها تفكر فيك

2- •خليك دايما فى عنيها الشاب صاحب المواقف اللذيذه•

اعزمها على العشاء وبعد ما تطلب من الجرسون الأكل اللى انت عاوزه لما يجى يسألها على طلباتها .. اقطع
كلامه بسرعه وقوله لأ هى مش جعانه .. صدقنى هتلاقيها فى قمة السعاده وهى بتتفرج عليك وانت بتاكل

3- •من وقت للتانى اديها تذكار يفكرها بيك•

خدها معاك وانت بتلعب كوره والبس أحلى تشيرت عندك وقضيها جرى لحد ما تعرق والتيشيرت يبقى ريحته تحفه,
وبعد الماتش اقلع التيشيرت وادهولها وبكده ريحتك دايما هتفكرها بيك

4- •البنات بتحب الشاب القوى•

من وقت للتانى وهى بتسلم عليك امسك اديها ودوس عليها جااااااااامد لحد ما تتفعص فى ايدك , ساعتها هى
هتعرف قد ايه انت خشن وهتموت فيك

5- •حسسها انك حنين عليها•

اتصل بيها بعد الساعه 2 بالليل وخليك وراها لحد ما ترد , وقولها انتى نايمه؟؟ لو قالتك أه قولها طيب أنا
قلت أتطمن عليكى وبعدها بخمس دقايق اتصل بيها تانى ولما ترد قولها انتى لسه منمتيش السهر كده هيتعبك يا
حبيبتى

6- •البنت بتحب الشاب اللى بيضحكها•

هاتلها قطه جميله وياريت لو تكون شيراز وشعرها طويل , وخليها تلعب معاها وتطبطب عليها وفجأه اضرب القطه
بالشلوت بكل قوتك . البنات بيحبوا يضحكوا على شكل القطه وهى طايره .. نفسى أعرف السبب :d

7- •خليها تغير عليك من وقت للتانى•

لو ضحكت على أى موضوع من قلبها ، قولها : تعرفى ان ضحتك بتفكرنى بـ مروه , هتقولك والله!!؟؟
اضحك وقولها : طريقتك وانتى بتسألينى دلوقتى كأنى شايف رشا قدامى ..
طبعا هى هتتعصب
قولها ببرود : مالك يا حبيبتى بتعملى زى فاتن كده ليه!!؟؟

نفذ التصرفات دى مع حبيبتك وبعدها هتدعيلى


ربنا يخليك يا طالب الجنه على النصائح الجامد دى

ههههههههههههههه تصدق جامده

بس معدتش النصايح دى تنفع بعد الثوره كل حاجه اتغيرت

اولا/ اسعدنى مرورك جدا يا فكك

ثانيا/ النصائح دى تنفع بعض الثوره وقبل الثوره وانا انشاء الله اعمل بيها

ههههههههههههههههههههههه

هتلبس فى الحيطه يامحمد

حلوة يامحمد

تسلم ايدك

تسلم يا تش على المرور