أنا اسف ياريس
..
..
..
....................
..
وحياة مامة فخامتك . طيب وحياة سوزان
تسامحنى عشان شتمتك . وانا واقف فى الميدان
كان المفروض اجيبك .وتشوف شعبك حبيبك
علشان تاخد نصيبك م الحب وم الحنان
انا اسف وبصراحه اصلى ماكنتش اصيل
يامعلمنى الاباحه نفسى ارد الجميل
يامظبط اهل بلدك اكتر من اسرائيل
هاتقولى ايه اللى فيها هاقولك فيها فيل
انا اسف انى سيبتك تخلع من غير حساب
كان المفروض حاسبتك زى ماقال الكتاب
مابننساش الجمايل والشعب فى قلبه شايل
وهانعمل فيك عمايل والبركه فى الشباب
فيه اكتر من حريقه وف كل بيت شهيد
فاكر اهل الدويقه فاكر قطر الصعيد
طب سرطان الخضار والعيشه الغاليه نار
والمعبر والجدار ولا الفكر الجديد
اسف علشان سكتنا طول الوقت اللى فات
وانت مسود حياتنا وبتسرق مليارات
دلوقتى الفرصه جاتنى وهحاسبك ع اللى فاتنى
وهرد حقوق بلادى واخد حقى اللى مات
اسف ل جمال وعزمى ول طنطاوى و سرور
كل اللى مصو دمى ولسه فى القصور
اسف علشان سايبكو وحياة بلدى ل اجيبكو
وفى التحرير بانيلكو احلى واجمل خابور ...
]size=24]المستشار هشام[/size]
موضوع: انا اسف ياريس!!!!!!!! 
الإثنين أبريل 11, 2011 11:02 am
